Mühasibat konsultasiyası

Biznesinizin maliyyə sağlamlığı, vergi risklərinin minimuma endirilməsi və qanunvericiliyə tam uyğunluq – bunları keyfiyyətli mühasibat konsultasiyası ilə təmin etmək olar. Accounting.Az konsaltinq şirkəti Bakıda fəaliyyət göstərən sahibkarlara, kiçik və orta biznes sahiblərinə, həmçinin fərdi qaydada uçot aparan şəxslərə peşəkar mühasibat konsultasiyası xidməti təklif edir.

Bazarda 10 ildən çox təcrübəyə malik Accounting.Az komandası mühasibat, vergi və hüquqi mövzularda kompleks yanaşma tətbiq edir: yalnız cari sualınıza cavab vermir, həm də yarana biləcək risklərin qarşısını əvvəlcədən almağa çalışır. Bu yanaşma xüsusilə fəaliyyətinə yeni başlayan sahibkarlar, öz mühasibi olmayan mikro biznes sahibləri və daxili mühasibat şöbəsinin işini yoxlamaq istəyən şirkətlər üçün əhəmiyyətlidir.

Mühasibat konsultasiyasını vacib edən nədir?

Mühasibat uçotu və vergi qanunvericiliyi daim dəyişən, bəzən normativ sənədlərin ikili şərhinə səbəb olan mürəkkəb sahədir. Bu ən təcrübəli mühasibləri belə çətinliyə sala bilər. Uçotu, hesabatlığı öz gücü ilə aparmağa çalışan fərdi sahibkar yaxud kiçik müəssisə rəhbəri üçün isə bu, əlavə risk mənbəyidir.

Belə hallarda səriştəli mühasib xidməti və ya mühasibat konsultasiyası köməyə gəlir. Azərbaycanda mühasibat uçotunun aparılması qaydaları, vergitutma normaları müntəzəm yenilənir. Bu dəyişiklikləri izləmək, düzgün tətbiq etmək əksər sahibkar üçün həm vaxt, həm də bilik baxımından çətindir. Məhz buna görə iş adamları mühasib xidməti göstərən konsaltinq şirkətlərinə müraciət etməyi üstün tuturlar.

Mühasibat konsultasiyası nədir və uçotun aparılmasından nə ilə fərqlənir?

Mühasibat konsultasiyası xidmətini mühasibat uçotunun aparılması xidməti ilə qarışdırmaq olmaz – bunlar fərqli formatlardır:

• Uçotun aparılması (autsorsinq): mühasibatlığın bir hissəsi və ya tamamı autsorsinqə verilir, yəni kənar şirkətin mütəxəssisləri sənədləşmədən hesabatların təqdim olunmasına qədər sizə həvalə olunan bütün işləri icra edir;
• Mühasibat konsultasiyası (məsləhət xidməti): bu zaman əməliyyat işlərini siz və ya öz işçiləriniz görürsünüz, konsaltinq şirkətinin mütəxəssisləri isə sizə addım-addım məsləhət verir, düzgün qərar qəbul etməyinizə köməklik göstərir və nəticəyə nəzarət edir.

Uçot məsləhətləri mühasibat xidmətlərinin ən tələbat olan hissəsidir- xüsusilə də mikro sahibkarlar, kiçik və orta biznes sahibləri arasında. Bakıda mühasibat uçotu xidmətləri üzrə ixtisaslaşan Accounting.Az konsaltinq şirkətinin təklif etdiyi mühasibat konsultasiyası sahibkarlara, menecerlərə və mühasiblərə aşağıdakılarda kömək edir:

• yeni qanunvericilik aktlarından operativ xəbərdar olmaq;
• hesabatları düzgün və vaxtında tərtib etmək;
• vergi müfəttişliyinin iddialarından, cərimələrdən qorunmaq.

Accounting.Az-ın üstünlükləri

Ştatında mühasib saxlamaqla müqayisədə Accounting.Az-ın autsorsinq əsaslı mühasibat konsultasiyası xidmətinin bir sıra üstünlükləri var: əlavə iş yeri təşkil etməyə, sosial ödənişlərə, xəstəlik vərəqələrinə və bonuslara ehtiyac qalmır. Bundan əlavə:

• uçotun müxtəlif sahələri üzrə məsləhətlər peşəkar mühasib xidməti komandası tərəfindən verilir;
• Azərbaycan qanunvericiliyini davamlı izləyən mütəxəssislərlə məsləhətləşmə imkanı yaranır;
• operativ, keyfiyyətli konsultasiya və rahat məlumat mübadiləsi təmin olunur;
• rəqabətqabiliyyətli qiymət siyasəti tətbiq edilir;
• hər bir müştəriyə fərdi yanaşma göstərilir;
• məlumatların məxfiliyinə zəmanət verilir.

Accounting.Az konsaltinq şirkətində mühasibat uçotu xidmətlərindən hər hansı birini sifariş etmiş müştərilərə mühasibat konsultasiyası xidməti pulsuz təqdim olunur. Bakıda mühasibat uçotu xidmətlərini Accounting.Az-da sifariş etməklə eyni zamanda kadr, hüquq və idarəetmə məsələləri üzrə də tövsiyələr almaq mümkündür.

Bundan əlavə, komandanın beynəlxalq “PrimeGlobal” assosiasiyasının üzvü olması müştərilərə əlavə etibarlılıq təminatı verir – bu, şirkətin işinin beynəlxalq peşəkar şəbəkənin qəbul etdiyi standartlara uyğunluğunu göstərən amillərdən biridir. Praktikada bu, həm yerli, həm də beynəlxalq təcrübəyə əsaslanan məsləhətin bir araya gəlməsi deməkdir.

Hansı hallarda mühasibat konsultasiyasından yararlanmaq lazımdır?

Aşağıdakı vəziyyətlərdə peşəkar mühasibat konsultasiyası xüsusilə faydalı olur:

• qeyri-standart vəziyyətlərdə ən son qanunvericilik aktlarına uyğun düzgün qərar qəbul etmək lazım gəldikdə;
• sahibkarlıq fəaliyyətinin dövlət qeydiyyatı zamanı çətinliklər yarandıqda;
• mühasibat uçotunda və ya vergi hesabatında aşkarlanan səhvləri düzəldərkən;
• uçot siyasətini tərtib edərkən;
• vergitutma rejiminin seçilməsi zamanı;
• mühasibat proqramının seçimi ilə bağlı qərar qəbul edərkən;
• tərəfdaşlarla bağlanan müqavilə şərtləri yoxlanıldıqda;
• sənəd dövriyyəsi qrafikinin tərtibi prosesində;
• mühasibatlıq bölməsi üçün kadrların səriştə testindən keçirilməsi zamanı;
• mühasib xidməti prosesində yaranan digər müxtəlif problemlərin həllində.

Təcrübəli mütəxəssislə aparılan mühasibat konsultasiyası uçotu və vergi sənədlərini qaydasında saxlamağa, biznesin şəffaf maliyyə idarəetməsinə nail olmağa kömək edir. Vaxtında alınan bir məsləhət, çox zaman, sonradan cərimə, faiz ödənişi və ya vaxt itkisi şəklində üzə çıxa biləcək xərclərin qarşısını əvvəlcədən alır- bu baxımdan konsultasiyanı qısamüddətli xərc yox, uzunmüddətli qənaət mənbəyi kimi qiymətləndirmək daha doğrudur.

Kimlər üçün nəzərdə tutulub?

Mühasibat konsultasiyası xidməti müxtəlif profilli müştərilər üçün faydalıdır, o cümlədən:

• Yeni qeydiyyatdan keçmiş sahibkarlar üçün: fəaliyyətə başlayarkən uçot sistemini “sıfırdan” düzgün qurmağı hamı istəyər. Bu mərhələdə edilən səhvlər sonradan daha baha başa gələ bilər.
• Ştatında mühasib olmayan mikro və kiçik biznes sahibləri üçün: vaxtaşırı yaranan konkret suallara (bəyannamə, faktura, kassa əməliyyatı və s.) operativ cavab almaq bir çoxunun arzusudur.
• Öz mühasibi olan orta ölçülü şirkətlər üçün: daxili komandanın işini müstəqil ekspert nəzəri ilə yoxlatmaq, mürəkkəb və ya qeyri-standart əməliyyatlarda əlavə məsləhət almaq risklərdən qoruyur.
• Xarici investorlarla və ya beynəlxalq tərəfdaşlarla işləyən şirkətlər üçün: hesabatlığın beynəlxalq standartlara uyğunlaşdırılmasına ehtiyacı olanlar əminliklə müracit edə bilər.

Hər bir müştəri qrupunun ehtiyacı fərqli olduğundan, Accounting.Az konsultasiyanı əvvəlcədən müəyyən edilmiş şablon üzrə deyil, konkret biznesin profilinə uyğunlaşdıraraq təqdim edir.

Elektron hesabatlıq və rəqəmsal uçot dəstəyi

Son illər Azərbaycanda mühasibat uçotunun rəqəmsallaşdırılması sürətlə davam edir – elektron qaimə-faktura sistemi, onlayn bəyannamə platformaları və müxtəlif uçot proqramları artıq gündəlik iş prosesinin ayrılmaz hissəsinə çevrilib. Accounting.Az mütəxəssisləri bu sahədə də dəstək göstərirlər:

• elektron sənəd dövriyyəsi sistemlərində işin düzgün təşkili üzrə məsləhət;
• uyğun mühasibat proqramının (yerli və ya beynəlxalq) seçilməsində köməklik;
• mövcud proqram təminatından maksimum səmərəli istifadə üçün tövsiyələr;
• rəqəmsal uçota keçid zamanı yaranan texniki və metodoloji sualların həlli.

Rəqəmsal alətlərdən düzgün istifadə həm vaxta qənaət edir, həm də insan amilindən qaynaqlanan səhvlərin sayını azaldır- bu isə uzunmüddətli perspektivdə mühasibatlığın etibarlılığını artırır və hesabatların vaxtında, dəqiq təqdim olunmasına zəmanət yaradır.

Beynəlxalq standartlar (MHBS) üzrə dəstək

Accounting.Az əməkdaşları mühasibat uçotunun Maliyyə Hesabatlarının Beynəlxalq Standartlarına (MHBS/IFRS) uyğun aparılması istiqamətində də dəstək göstərir. Bu çərçivədə aşağıdakı formatlarda xidmət təqdim olunur:

• standartların praktiki tətbiqi barədə “sual-cavab” formasında fərdi məsləhət;
• MHBS üzrə təlimlərin və seminarların təşkili;
• standartların tətbiqi istiqamətində kompleks layihələrin həyata keçirilməsi.

Bu, xüsusilə beynəlxalq tərəfdaşlarla işləyən və ya xarici investisiya cəlb etmək istəyən şirkətlər üçün əhəmiyyətlidir, çünki maliyyə hesabatlarının beynəlxalq tanınan formatda hazırlanması etibarlılığı artırır və bank, investor yaxud donor qurumları ilə ünsiyyəti asanlaşdırır.

Xidmətin qiyməti necə formalaşır?

Mühasibat konsultasiyası xidmətinin qiyməti, adətən, sərf edilən saatlara əsasən hesablanır- bu, hər müştərinin ehtiyacına uyğun fərdi yanaşmanı təmin edir. Dəqiq qiymət təklifi almaq, eləcə də digər mühasibat xidmətləri üzrə tarifləri öyrənmək üçün Accounting.Az komandası ilə əlaqə saxlamaq kifayətdir.

Bir çox hallarda tam ştatlı mühasib saxlamaqla müqayisədə saatlıq əsasda konsultasiya almaq daha səmərəli çıxır- xüsusilə mühasibat sualları müntəzəm deyil, dövri xarakter daşıyırsa. Şirkətlə əməkdaşlıq vaxta qənaət və yaranan problemlərin vaxtında həllini təmin edir, bu da nəticədə biznesin əsas fəaliyyətinə diqqəti artırmağa, əlavə inzibati yükdən azad olmağa imkan yaradır.

Tez-tez verilən suallar

Mühasibat konsultasiyası nə qədər vaxt aparır?

Bu, sualın mürəkkəbliyindən asılıdır- qısa məsləhət bir neçə telefon zəngi çərçivəsində verilə bilər, uçot siyasətinin tərtibi və ya MHBS üzrə layihə isə bir neçə həftəlik iş tələb edə bilər. Dəqiq müddət ilkin görüşdə müəyyənləşdirilir.

Konsultasiya xidməti mühasibi əvəz edirmi?

Xeyr. Konsultasiya mövcud mühasibin və ya sahibkarın özünün gördüyü işə nəzarət və məsləhət xarakterlidir, əməliyyat funksiyalarını əvəz etmir. Əməliyyat funksiyalarının tam icrası üçün mühasibat uçotunun aparılması xidməti nəzərdə tutulub.

Yalnız bir dəfəlik sual üçün müraciət etmək olarmı?

Bəli, müştərilər həm birdəfəlik konkret sual üzrə, həm də müntəzəm əsasda (məsələn, aylıq) konsultasiya formatında əməkdaşlıq edə bilərlər.

Xidmət hansı formada göstərilir — telefonla, yoxsa üz-üzə?

Ehtiyaca uyğun olaraq hər iki format mümkündür: telefon və ya onlayn görüş vasitəsilə operativ məsləhət, yaxud ofisdə üz-üzə görüş formatında daha ətraflı müzakirə.

Necə sifariş etmək olar?

Əlavə suallarınız varsa, Accounting.Az mütəxəssisləri sizi məmnuniyyətlə məsləhətləndirəcək. Aşağıdakı nömrələr və elektron poçt vasitəsilə komanda ilə birbaşa əlaqə saxlaya bilərsiniz:

• E-poçt: info@accounting.az
• Ünvan: Cəfər Cabbarlı 44, Caspian Plaza 2, Bakı, Azərbaycan

Bakıda mühasibat konsultasiyası ehtiyacınız yaranan kimi Accounting.Az komandasına müraciət edin- peşəkarlıq, şəffaflıq və dəqiqliyin fərqini ilk zəngdən hiss edəcəksiniz. İstər bir dəfəlik konkret sualınız olsun, istərsə də müntəzəm dəstəyə ehtiyacınız, komanda hər iki formatda əməkdaşlığa hazırdır və ilk görüşdə ehtiyacınıza uyğun ən optimal həll yolunu birlikdə müəyyənləşdirəcəksiniz.