Vergi qanunvericiliyi dəyişir, vergi orqanlarının tələbləri isə tələbləri isə dəqiqdir və müəyyən müddətlərə bağlıdır. Yanlış hesablanmış vergi, vaxtında təqdim edilməyən bəyannamə və ya düzgün tərtib olunmayan sənəd əlavə vergi hesablanmasına, maliyyə sanksiyasına və vergi yoxlamasına səbəb ola bilər. Vergi konsultasiyası bu riskləri əvvəlcədən görmək, düzgün qərar qəbul etmək və vergi öhdəliklərini qanunun tələblərinə uyğun yerinə yetirmək üçün peşəkar dəstəkdir.
Accounting.Az MMC Bakıda şirkətlərə və fərdi sahibkarlara vergi məsləhəti xidməti təklif edir. Bu məqalədə vergi konsultasiyasının nəyi əhatə etdiyi, hansı hallarda lazım olduğu, habelə vergi yoxlaması zamanı göstərilən köməyin mahiyyəti şərh edilir.
Vergi konsultasiyası vergi qanunvericiliyinin konkret hallarda tətbiqi ilə bağlı mütəxəssis tərəfindən verilən izahat, hesablama və tövsiyələr toplusudur. Vergi məsləhətçisi Vergi Məcəlləsinin müddəalarını sadəcə təkrar etmir. O, sizin əməliyyatlarınızı, müqavilələrinizi və fəaliyyət növünüzü təhlil edir, hansı vergilərin hansı qaydada tətbiq olunduğunu müəyyən edir və riskləri göstərir.
Vergi məsləhətləri xidməti xüsusilə aşağıdakı biznes sahibləri üçün faydalıdır:
Aşağıdakı situasiyalardan biri ilə üzləşirsinizsə, vergi konsultasiyası almaq məqsədəuyğundur:
Sahibkarlar çox vaxt problem artıq yarandıqdan sonra vergi məsləhətçisinə müraciət edirlər. Halbuki vergi konsultasiyası xidmətindən əməliyyatdan əvvəl, yəni risk hələ yaranmamış istifadə etmək həm daha səmərəli, həm də daha təhlükəsizdir.
Accounting.Az-da vergi məsləhətləri xidməti müştərinin konkret ehtiyacına uyğun qurulur və aşağıdakı istiqamətləri əhatə edə bilər:
Xidmət müqavilə əsasında göstərilir, qiymət isə işin həcmi və mürəkkəbliyinə görə fərdi müəyyən edilir. Ümumi qiymət istiqamətləri ilə qiymətlər səhifəsində tanış ola bilərsiniz.
Vergi Məcəlləsinə əsasən vergi orqanları tərəfindən keçirilən yoxlamalar kameral və ya səyyar ola bilər (maddə 36.1). Hər birinin öz qaydası var və bu qaydalara əməl olunması vergi ödəyicisinin hüquqlarının qorunması baxımından vacibdir.
Kameral vergi yoxlaması vergi orqanı tərəfindən şirkətə getmədən, vergi orqanında mövcud olan bəyannamə və sənədlər əsasında aparılır (maddə 37). Sənədlərdə ziddiyyət və ya səhv aşkar edildikdə vergi orqanı əlavə məlumat, sənəd və izahat tələb edə bilər. Bunların müəyyən edilmiş müddətdə təqdim olunması vergi ödəyicisinin vəzifəsidir. Ümumi qaydada kameral yoxlama sənədlərin təqdim edildiyi gündən 30 gün ərzində keçirilir.
Səyyar vergi yoxlaması vergi ödəyicisinin fəaliyyət göstərdiyi məkanda aparılır (maddə 38). Növbəti səyyar yoxlama zamanı vergi orqanı yoxlamanın başlamasından ən azı 15 gün əvvəl yazılı bildiriş göndərməlidir. Bildirişdə yoxlamanın əsası, tarixi, habelə vergi ödəyicisinin və vergi orqanının hüquq və vəzifələri göstərilməlidir.
Vergi orqanının qərarı ilə razı deyilsinizsə, Vergi Məcəlləsinin 62-ci maddəsinə uyğun olaraq həmin qərardan yuxarı vergi orqanına və ya məhkəməyə şikayət verə bilərsiniz.
Bu mərhələdə vergi məsləhətçisi aşağıdakı işləri görür:
Kameral yoxlamalar çərçivəsində sorğulara düzgün və vaxtında cavab vermək əlavə hesablamaların, o cümlədən ƏDV əvəzləşdirilməsi ilə bağlı mübahisələrin qarşısını almağa kömək edir. Yoxlamaya əvvəlcədən necə hazırlaşmaq barədə ətraflı məlumatı vergi yoxlamasına hazırlıq xidməti səhifəsində tapa bilərsiniz.
Vergi məsləhətləri xidməti adətən dörd mərhələdə həyata keçirilir:
Bir ünvanda inteqrasiya olunmuş xidmətlər: Vergi konsultasiyası ilə yanaşı mühasibat, audit, kadr və hüquq xidmətləri də təqdim olunur. Bu, vergi məsələlərinin uçotla və hüquqi tərəflə bir yerdə həllinə imkan verir.
Fərdi yanaşma: Hər sahibkarın fəaliyyət sahəsi və vergi riskləri fərqlidir, ona görə də tövsiyələr konkret vəziyyətə uyğun hazırlanır.
Autsorsinq dəstəyi: Vergi məsələləri üzrə daimi mütəxəssis saxlamağa ehtiyac olmadan peşəkar dəstək əldə edə bilərsiniz.
Bakıda rahat ofis: Cəfər Cabbarlı 44, Caspian Plaza 2, Bakı.
Əsas məqsədimiz Bakıda vergi konsultasiyası axtaran sahibkarları qanunvericiliyə əsaslanan, aydın və icra oluna bilən xidmətlə dəstəkləməkdir. Müraciətiniz qəbul edildikdən sonra məsələnin təcililiyi və mürəkkəbliyi qiymətləndirilir, sizə növbəti addımlar barədə məlumat verilir.
Vergi konsultasiyası ilə mühasibat xidməti eyni şeydir?
Xeyr. Mühasibat xidməti uçotun aparılması və hesabatların hazırlanmasıdır. Vergi konsultasiyası isə konkret vəziyyət üzrə vergi qanunvericiliyinin tətbiqi, risklərin qiymətləndirilməsi və qərar qəbulu üçün verilən peşəkar rəydir. Bu xidmətlər bir-birini tamamlayır.
Vergi məsləhətini yalnız yoxlama zamanı almaq lazımdır?
Xeyr. Ən yaxşı nəticə problem yaranmazdan əvvəl, yəni müqavilə bağlayarkən, vergi rejimi seçərkən və ya bəyannamə təqdim etməzdən əvvəl alınan məsləhətlə əldə olunur.
Vergi orqanından bildiriş və ya sorğu gəlsə nə etməli?
Bildirişdəki tələbi və cavab müddətini diqqətlə yoxlayın, müddəti qaçırmayın və sənədləri göndərməzdən əvvəl mütəxəssislə məsləhətləşin. Əsassız və ya yarımçıq cavab əlavə sual və hesablamalara yol aça bilər.
Vergi konsultasiyası xidmətinin qiyməti nə qədərdir?
Qiymət sualın mürəkkəbliyindən, sənədlərin həcmindən və təmsilçilik tələb olunub-olunmamasından asılıdır. Dəqiq təklif üçün müraciət edə bilərsiniz.
Vergi məsələsini vaxtında həll etmək sonradan yaranacaq mübahisədən həmişə sərfəlidir. Accounting.Az-ın vergi məsləhətçiləri vəziyyətinizi dinləyər, riskləri göstərər və qanuni həll yolları təklif edər.
Bizə “Əlaqə” səhifəsi üzərindən sorğu göndərə bilərsiniz.
Türkçe 
Русский 
English