Mühasibat uçotunun bərpası Bakıda: qanuna uyğun və sürətli xidmət

Mühasibat uçotu aparılmayıbsa, sənədlər itibsə və ya uçot səhvlərlə doludursa, nə etməli? Cavab sadədir: vaxt itirmədən peşəkar mühasibat uçotunun bərpası xidmətinə müraciət etmək. Gecikmə vergi sanksiyaları, bank hesablarına həbs və rəhbərin məsuliyyəti risklərini artırır.

Accounting.Az komandası Bakıda fəaliyyət göstərən şirkətlər üçün mühasibat uçotunun bərpasını qanunvericiliyə və beynəlxalq standartlara uyğun, məxfilik qaydalarına riayət etməklə şəraitində həyata keçirir. Siz biznesinizlə məşğul olun, uçotu biz qaydaya salaq.

Mühasibat uçotunun bərpası nədir?

Mühasibat uçotunun bərpası şirkətin keçmiş dövrlər üzrə maliyyə sənədlərinin toplanması, yoxlanması, düzəldilməsi və qanunun tələblərinə uyğunlaşdırılması prosesidir. Başqa sözlə, uçotun bərpası nəticəsində şirkətin real maliyyə vəziyyətini əks etdirən tam və düzgün uçot bazası yenidən formalaşır.

Xidmətə aşağıdakılar daxildir:

• uçotun yenidən təşkili və ya sıfırdan qurulması;
• ilkin sənədlərdə səhvlərin aşkarlanması və düzəldilməsi;
• uçot registrlərindəki “boşluqların” doldurulması;
• maliyyə hesabatlarının və düzəliş edilmiş bəyannamələrin hazırlanması;
• bundan sonra uçotun fasiləsiz aparılması üçün sistemin qurulması.

Mühasibat sənədlərinin bərpası hansı hallarda zəruridir?

Statistika göstərir ki, müraciətlər daha çox aşağıdakı vəziyyətlərlə bağlıdır:

• Uzun müddət uçot aparılmayıb: yeni açılmış şirkətlərdə və ya mühasib tapılmayan dövrlərdə bu tez-tez baş verir.
• Mühasib vəzifəsinin öhdəsindən gəlməyib: baş mühasib dəyişdikdə əvvəlki dövrün bütün sənədləri yenidən yoxlanmalıdır.
• Sənədlər real vəziyyəti əks etdirmir: balans, vergi bəyannamələri və faktiki əməliyyatlar bir-birinə uyğun gəlmir.
• Mühasib sənədlərlə birlikdə ayrılıb: işdən çıxan mühasibin sənədləri təhvil vermədiyi hallar az deyil.
• Fors-major: yanğın, texniki nasazlıq, ofisin köçürülməsi və ya məlumat bazasının zədələnməsi nəticəsində itmiş mühasibat sənədlərinin bərpası lazım gəlir.

Bu vəziyyətlərdən biri mövcuddursa, gecikmək ən bahalı seçimdir.

Uçotun bərpasına ehtiyacınız olduğunu göstərən əlamətlər

Aşağıdakılardan biri sizə tanışdırsa, uçotun vəziyyətini yoxlatmaq vaxtıdır;

• vergi orqanından izahat və ya bildiriş tələbi gəlir;
• bank hesabındakı hərəkətlər uçot məlumatları ilə üst-üstə düşmür;
• bəyannamələr vaxtında təqdim olunmur;
• şirkətin real mənfəətini və borclarını dəqiq müəyyən edə bilmirsiniz.

Uçotun bərpasını gecikdirməyin riskləri

“Mühasibat uçotu haqqında” Qanun uçot subyektlərində mühasibat uçotunun fasiləsiz aparılmasını məcburi edir (maddə 3). Vaxtında bərpa olunmayan uçot aşağıdakı nəticələrə gətirib çıxara bilər:

• mühasibat uçotunun aparılmamasına görə vergi orqanları tərəfindən maliyyə sanksiyaları və cərimələr;
• vergi yoxlaması zamanı əlavə hesablamalar;
• vergi borcu yarandıqda bank hesablarına həbs qoyulması və əməliyyatların dayanması;
• ağır hallarda rəhbər üçün daha sərt hüquqi məsuliyyət;
• bank, investor və tərəfdaşlar qarşısında etibarın itirilməsi.

Problem vaxt keçdikcə böyüyür. Bu gün bir neçə aylıq boşluğu bağlamaq nisbətən asandırsa, bir ildən sonra eyni iş xeyli mürəkkəbləşir və daha baha başa gəlir.

Mühasibat uçotunun bərpası necə aparılır?

Hər şirkətin vəziyyəti fərqlidir, lakin proses adətən bir neçə mərhələdə aparılır.

İlkin diaqnostika

Mövcud sənədlərə baxır, uçotun vəziyyətini və boşluqları müəyyən edirik. Bu mərhələdə iş həcmi və müddət də aydınlaşır.

Sənədlərin toplanması

İlkin sənədləri toplayırıq. İtmiş sənədlər üçün bərpa yolu, məsələn tərəfdaşlardan surətlərin və bank məlumatlarının alınması, müəyyən edilir.

Uçotun yenidən qurulması

Əməliyyatları hesablarda düzgün əks etdirir, elektron uçot bazasını yeniləyirik.

Səhvlərin düzəldilməsi

Vergi hesablamalarını yoxlayır, ödənilmiş məbləğlərə düzəlişlər aparırıq.

Hesabatların təqdimi

Maliyyə hesabatlarını və düzəliş edilmiş vergi bəyannamələrini hazırlayıb təqdim edirik.

Sistemin təhvili

Bərpadan sonra uçotun düzgün aparılması üçün cari mühasibat xidmətini öz üzərimizə götürürük və ya komandanıza təlimat veririk.

Bərpa tam və ya qismən aparıla bilər. Yalnız problemli dövrü düzəltmək lazımdırsa, bütün arxivi yenidən işləmirik. Qismən bərpa xərci və vaxtı azaldır, tam bərpa isə uzunmüddətli uçotsuzluq halında daha etibarlı nəticə verir.

Bərpa üçün hansı sənədlər lazımdır?

Əlinizdə olanlar kifayətdir: bank çıxarışları, müqavilələr, qaimə-fakturalar, kassa sənədləri, əmək müqavilələri, əvvəlki dövrün bəyannamələri və vergi ödənişi sənədləri. Bəziləri itibsə, narahat olmayın, qalanını biz birlikdə müəyyən edirik.

Tipik ssenari: mühasibi ayrılmış şirkət

Tutaq ki, şirkətin mühasibi işdən çıxıb və sənədləri təhvil verməyib. Rəhbər bir neçə ay ərzində bəyannamələrin təqdim olunmadığını yalnız vergi orqanından bildiriş alanda öyrənir. Belə vəziyyətdə əvvəlcə bank çıxarışları və elektron vergi sistemindəki məlumatlar əsasında əməliyyatlar müəyyən edilir. Sonra uçot yenidən qurulur, buraxılmış bəyannamələr hazırlanıb təqdim olunur. Vaxtında müraciət edildikdə sanksiya riskini azaltmaq imkanı xeyli artır.

Uçotun bərpasından sonra nə dəyişir?

Uçotun bərpası yalnız keçmiş səhvləri düzəltmək deyil, şirkətin gələcək fəaliyyəti üçün möhkəm baza yaratmaqdır. Bərpadan sonra siz:

• vergi orqanları qarşısında sənədlərlə əsaslandırılmış mövqe tutursunuz;
• qərarları real gəlir, xərc və borc göstəricilərinə əsaslanaraq verirsiniz;
• bank krediti, investor cəlbi və ya tenderdə iştirak zamanı təqdim ediləcək düzgün hesabatlara sahib olursunuz;
• növbəti vergi yoxlamasına hazır olursunuz.

Mühasib sənədləri təhvil vermədikdə nə etməli?

Qanuna görə mühasibat uçotunun təşkili subyektin rəhbərinin məsuliyyətindədir. Rəhbər ya şirkət daxilində mühasibat şöbəsi yaradır, ya da kənar mütəxəssisləri cəlb edir. Deməli, uçotdakı problemin nəticələrinə görə məsuliyyəti rəhbər daşıyır.

Mühasib sənədləri təhvil verməyibsə, əvvəlcə təhvil-təslim üzrə yazılı tələb göndərmək məsləhətdir. Paralel olaraq uçotun bərpasına başlamaq lazımdır ki, vergi öhdəlikləri yubanmasın. Bu mərhələdə hüquqi mövqeyinizi də mütəxəssislə müəyyən etmək faydalıdır.

Ən sürətli və təhlükəsiz yol autsorsinq əsaslı mühasibat xidmətidir. Peşəkar komanda həm uçotu bərpa edir, həm də mühasib axtarışı və işə uyğunlaşdırılması zəhmətini azaldır. Əlavə olaraq mühasibat konsultasiyası alıb vəziyyətinizi əvvəlcədən qiymətləndirə bilərsiniz.

Nə üçün Accounting.Az?

Bakıda mühasibat xidmətləri göstərən Accounting.Az-ı seçməyiniz üçün əsas səbəblər:

• Təcrübəli komanda: bərpa prosesinə peşəkar mütəxəssislər nəzarət edir, lazım gəldikdə isə vergi optimallaşdırması üzrə ekspertlər də qoşulur. Komandamızla tanış olun.
• Kompleks həll: yalnız tövsiyə verməklə kifayətlənmir, problemi əvvəldən sonadək həll edirik.
• Qanunvericilik üzrə aktual biliklər: vergi və uçot qanunvericiliyindəki dəyişiklikləri izləyir, vergi yoxlamalarında müştərilərimizi dəstəkləyirik.
• Məxfilik: sənədləriniz və maliyyə məlumatlarınız xidmət müqaviləsi və daxili təhlükəsizlik qaydaları ilə qorunur.
• Şəffaf proses: hər mərhələdə nə etdiyimiz və sizdən nə gözlədiyimiz barədə sizi məlumatlandırırıq.
• Çevik format mühasibat uçotunun bərpası xidmətini tam və ya qismən, cari mühasibatlıqla birgə və ya ayrıca sifariş edə bilərsiniz.

Bərpa ilə yanaşı, bizdən vergi xidmətləri və audit xidmətləri də ala bilərsiniz. Bu, müxtəlif təchizatçılar arasında məlumat itkisinin qarşısını alır. Məqsədimiz yalnız sənədləri qaydaya salmaq deyil, sizə vergi və maliyyə baxımından arxayınlıq təmin etməkdir.

Mühasibat uçotunun bərpası xidmətinin qiyməti nədən asılıdır?

Xidmət fərdi xarakter daşıyır və sabit qiyməti yoxdur. Qiymətə bunlar təsir edir:

• şirkətin fəaliyyət sahəsi və əməliyyatların həcmi;
• bərpa olunacaq dövrün müddəti;
• mövcud sənədlərin vəziyyəti və itmiş sənədlərin miqdarı;
• işin təcililiyi.

Əməliyyatları az olan kiçik şirkətlərdə bərpa daha tez başa çatır, geniş əməliyyat həcmi olan şirkətlərdə isə iş daha uzun çəkir. Dəqiq məbləği ilkin diaqnostikadan sonra bildiririk. Ümumi qiymət səviyyəsi ilə qiymətlər bölməsində tanış ola bilərsiniz. Nəzərə alın ki, bərpa xərci çox hallarda cərimələr, əlavə vergilər və itirilmiş vaxtla müqayisədə xeyli aşağı olur.

İlkin məsləhət pulsuzdur. Görüşə hazırlaşmaq üçün:

• əlinizdə olan ilkin sənədləri bir yerə yığın;
• nəyi düzəltmək istədiyinizi və gözləntilərinizi qısa yazın.

Tez-tez verilən suallar

Mühasibat uçotunun bərpası nə qədər çəkir?
Bərpaya sərf ediləcək vaxt sənədlərin vəziyyətindən və dövrün müddətindən asılıdır. Kiçik boşluqlar tez bağlanır, uzunmüddətli uçotsuzluq daha çox vaxt tələb edir. İlkin diaqnostikadan sonra real müddəti sizinlə razılaşdırırıq.

Sənədlərim tamamilə itibsə, bərpa mümkündürmü?
Bəli, bir çox hallarda mümkündür. Bank çıxarışları, tərəfdaşlardan alınan sənəd surətləri və elektron vergi sistemindəki məlumatlar əsasında uçot yenidən formalaşdırıla bilər. Bunun həcmi sənəd itkisinin miqyasından asılıdır.

Bərpadan sonra cari mühasibatlığı sizə verə bilərəmmi?
Əlbəttə. Əgər siz bərpadan sonra cari uçotu da bizə həvalə etsəniz, problemlər təkrarlanmayacaq. İstəsəniz, yalnız bərpa xidmətini də sifariş edə bilərsiniz.

Uçotun bərpası ilə cari mühasibat xidməti arasında fərq nədir?
Bərpa keçmiş dövrlərdəki boşluq və səhvləri düzəldən layihə xarakterli işdir. Cari mühasibat xidməti isə hər ay uçotun və hesabatların davamlı aparılmasını təmin edir. Bir çox şirkət bərpadan sonra cari xidmətə keçir.

Bərpa zamanı vergi orqanına müraciət etmək lazım gəlirmi?
Hər vəziyyət fərdidir. Buraxılmış bəyannamələr və düzəlişlər vergi orqanına təqdim olunur. Hansı sənədlərin hansı qaydada təqdim olunacağını ilkin diaqnostika zamanı müəyyən edirik.

Uçotu bu gün qaydaya salın

Mühasibat uçotunun bərpası nə qədər gec başlasa, risk bir o qədər artır. Bakıda mühasibat uçotunun bərpası üçün Accounting.Az komandası vəziyyətinizi pulsuz qiymətləndirəcək, həll planını və qiyməti aydın təqdim edəcək. İlkin məsləhət üçün yalnız mövcud sənədləriniz kifayətdir. Əlaqə formasını doldurun.