Vergi təlimləri və onların biznes üçün əhəmiyyəti

Ümumi

Vergi təlimləri nə üçüm lazımdır?

İqtisadiyyatda baş verən sürətli dəyişikliklər, vergi sistemindəki yeniliklər biznes subyektlərindən daha çevik, qanunvericiliyə daha uyğun fəaliyyət tələb edir. Azərbaycanda vergi sistemi daim yenilənir, rəqəmsallaşır, şəffaflığa doğru inkişaf edir. Bu mühitdə vergi təlimləri sahibkarlıq fəaliyyəti ilə məşğul olan şəxslər üçün həm strateji, həm də əməli əhəmiyyət daşıyır.

Qanunvericiliyin dinamikliyi, vergi sisteminin rəqəmsal transformasiyası sahibkarlardan, maliyyə menecerlərindən, mühasiblərdən, vergi məsləhətçilərindən  vergitutma sahəsindəki bilikləri daim yeniləməyi tələb edir. Bu səbəbdən vergi təlimləri, kurslar onlar üçün mühüm əhəmiyyət daşıyır. Yenilənmiş biliklər vergi öhdəliklərinin düzgün icrasını təmin etməklər yanaşı, həm də biznesin hüquqi müdafiəsini təmin etməyə və vergi risklərini azaltmağa yardımçı olur.

Azərbaycan Respublikasının Vergi Məcəlləsinin müxtəlif maddələrində  vergi ödəyicisi üçün bir sıra vəzifələr və hüquqlar müəyyən edib VM, məsələn:

• vergiləri, habelə digər məcburi ödənişləri qanunvericiliklə müəyyən olunmuş qaydada və müddətlərdə ödəmək;
• vergi orqanlarına hesabatlar və bəyannamələr təqdim etmək;
• vergi ödəyicisinin müəyyən şərtlər daxilində verginin tam yaxud qismən ödənilməsindən azad edilməsi.

Məcəllənin bu kimi maddələrinin izahı və tətbiqi vergi təlimlərində əsas mövzulardan biridir.

Təlimlərinin hansı formada təqdim edilir?

Vergi təlimləri həm ənənəvi, həm də müasir yanaşmalarla təqdim edilə bilər, məsələn:

• auditoriyada tədris olunan ənənəvi təlim forması (canlı seminarlar);
• onlayn təlimlər (webinarlar, elektron kurslar);
• sertifikatlaşdırılmış kurslar;
• hibrid model (canlı + onlayn);
• real şirkət nümunələri, audit hesabatları və vergi bəyannamələri üzərində təhlil aparılır (Workshop və Case Study əsaslı təlimlər);
• Qısa maarifləndirici sessiyalar (vergi yenilikləri üçün).

Vergi təlimlərinin hədəf auditoriyası:

• kiçik və orta sahibkarlıq subyektləri;
• mühasiblər, maliyyə üzrə mütəxəssislər;
• biznes sahibləri, menecerlər;
• hüquq və konsaltinq sahəsində çalışan mütəxəssislərdir.

Vergi yoxlamasına hazırlaşırsınız? Muhaisbat.Az-ın vergi auditi kursu izin üçündür!

Vergi təlimlərinin əsas məqsədləri hansılardır?

1. Vergi biliklərinin artırılması: Təlimlər iştirakçılara vergi qanunvericiliyinin əsas anlayışları, vergi növləri və tətbiq qaydaları barədə sistemli məlumat verir.
2. Qanunvericilikdəki dəyişikliklərin izahı: Daim yenilənən vergi qanunvericiliyinin biznesə necə təsir etdiyini izah edərək müəssisələrin adaptasiya prosesini asanlaşdırır.
3. Praktik bacarıqların inkişafı: Real nümunələr, keyslər üzərində işləməklə iştirakçılar vergi hesabatlarının hazırlanması, audit proseslərinə hazırlıq və vergi planlaşdırılması sahəsində təcrübə qazanırlar.
4. Risklərin azaldılması: Təlimlər vergi səhvlərindən doğan cərimə və sanksiyalardan yayınmağa, potensial maliyyə itkilərinin qarşısını almağa yardım edir.

Rəqəmsallaşma və müasir yanaşmalar

Son illərdə vergi təlimləri ənənəvi seminarlardan onlayn vebinarlar, video dərslər və interaktiv platformalara keçid edib. Bu dəyişikliklər təlimlərin daha geniş auditoriyaya çatdırılmasını təmin edir, öyrənmə prosesini daha əlçatan və çevik edir.

Azərbaycanda “İnternet Vergi İdarəsi” elektron informasiya sisteminin, onun ayrı-ayrı modlarının tətbiqi ilə vergi idarəçiliyində rəqəmsal keçid genişlənib. Bu platformaların düzgün istifadəsi isə yalnız məqsədyönlü təlimlər sayəsində mümkündür.

Təlimlərdə öyrədilən rəqəmsal alətlər:

• e-taxes.gov.az portalı
• onlayn kargüzarlıq modulu;
• e-bəyannamə, e-vergi hesab fakturası, e-Qaimə modulları;
• mobil tətbiqlərlə hesabatların göndərilməsi və sair.

Vergi təlimlərinin biznes üçün faydaları

Vergi təlimləri müasir biznesin ayrılmaz tərkib hissəsinə çevrilmişdir. Onlar müəssisələrin qanunvericiliyə uyğun, dayanıqlı, rəqabətədavamlı fəaliyyət göstərməsi üçün mühüm zəmin yaradır. Bu səbəbdən vergi təlimlərinə sərmayə qoymaq – əslində, biznesin sabitliyinə və inkişafına sərmayə qoymaq deməkdir.

1. Şəffaflıq, etibarlılıq: Vergi sahəsində savadlı mütəxəssislər müəssisənin şəffaf və qanunvericiliyə uyğun fəaliyyət göstərməsinə imkan yaradır.
2. Xərclərin optimallaşdırılması: Vergi güzəştləri, azadolmalar, habelə digər stimullaşdırıcı mexanizmlərdən istifadə imkanları barədə biliklər müəssisəyə əlavə qənaət imkanları qazandırır.
3. İnvestisiya cəlbediciliyi: Vergi üzrə düzgün hesabat və şəffaf fəaliyyət potensial investorlar üçün etibar yaradaraq, biznesin inkişafını sürətləndirə bilər.
4. İşgüzar qərarların dəstəklənməsi: Vergi bilikləri menecerlərə daha əsaslandırılmış və riskləri nəzərə alan qərarlar verməyə kömək edir.
5. Əməkdaşların peşəkar inkişafı: Təlimlər əməkdaşların bacarıqlarını artıraraq onların motivasiyasına və səmərəliliyinə müsbət təsir göstərir.

Praktik nümunəyə baxaq. “X” MMC xidmət sahəsində fəaliyyət göstərir. Sadələşdirilmiş vergi ödəyicisi kimi qeydiyyatdan keçib. Şirkətin maliyyə meneceri vergi təlimlərinə qatıldıqdan sonra aşağıdakı üstünlükləri əldə edə bilər:

• əvvəllər istifadə etmədiyi vergi güzəştlərindən yararlanmağa başlayıb (məsələn, müəyyən sahələrdə 25%-ə qədər güzəşt);
• kassa əməliyyatlarının düzgün uçotunu təmin edərək nağd əməliyyatlarla bağlı cərimələrdən yayınıb;
• yeni e-qaimə sisteminə vaxtında keçid edib və müştərilərinə qarşı daha şəffaf fəaliyyət göstərir.

Muhaisbat.Az MMC Azərbaycan konsultasiya xidmətləri bazarında uzunmüddətli təcrübəyə malikdir və geniş tərkibli təlimlər təklif edir. Təklif olunan vergi kursları ilə buradan tanış ola bilərsiniz.

Vergi təlimləri sadəcə bir öyrənmə prosesi deyil, bizneslərin hüquqi, maliyyə və strateji cəhətdən gücləndirilməsinə xidmət edən bir sərmayədir. Öz kadrlarının biliklərini artırmaq istəyən şirkətlər üçün bu təlimlər vacib inkişaf alətidir. Dövlət də bu istiqamətdə maarifləndirmə kampaniyaları və pulsuz təlimlər təşkil etməklə sahibkarlara dəstək olur.