Kommersiya hüquqi şəxslərin reyestr məlumatları üzrə illik hesabat

Hizmet

Azərbaycan Respublikasında hüquqi şəxslərin dövlət qeydiyyatı və onların dövlət reyestrinin aparılması  12 dekabr 2003-cü il tarixli 560-IIQ saylı respublika qanunu ilə tənzimlənir. Eyni zamanda, bu qanunun tələblərinə görə, hüquqi şəxslərin təsis sənədlərində edilmiş dəyişikliklərin, habelə qeydə alınmış faktların sonrakı dəyişikliyinin də qeydiyyatı aparılmalıdır.

9 fevral 2026-cı il tarixindən qüvvəyə minmiş son dəyişikliyə görə (30 dekabr 2025-ci il tarixli 336-VIIQD saylı Azərbaycan Respublikasının Qanunu) kommersiya hüquqi şəxsləri, xarici kommersiya hüquqi şəxslərin nümayəndəlik və ya filialları təsis sənədlərində və qeydə alınmış faktlarda dəyişikliyin olub-olmaması barədə hesabat tərtib etməlidirlər. Forması Azərbaycan Respublikasının İqtisadiyyat Nazirliyi tərəfindən müəyyən edilən hesabat kağız və ya elektron formada, təqvim ili bitdikdən sonra, növbəti ayın 31-dək Dövlət Vergi Xidmətinə təqdim edilir.

Reyestrdə əks olunan faktlar və məlumatların tərkibi

Hüquqi şəxslərin dövlət reyestrinin aparılması zamanı reyestrə daxil edilən fakt və məlumatların tərkibi Qanunun 14-cü maddəsi və AR NK-nın 2005-ci il 13 aprel tarixli, 70 nömrəli qərarı ilə təsdiq edilmiş Qaydalar əsasında müəyyən edilir.

Qanunun tələblərinə görə hüquqi şəxslərin, xarici hüquqi şəxsin nümayəndəlik və ya filiallarının dövlət qeydiyyatına alınmış  faktların hər bir sonrakı dəyişikliyi, habelə onların təsis sənədlərinə edilən hər bir dəyişiklik qeydiyyata alınmalıdır. Yeni tələbə görə hər bir dəyişiklik haqqında illik hesabat hazırlanmalı və təqdim edilməlidir.

Mövcud qanunvericilik dövlət reyestrinə qurumlar barəsində aşağıdakı məlumatların əks etdirilməsini tələb edir:

• qurumun adı (firma adı);
• hüquqi ünvanına dair məlumatlar;
• təşkilati-hüquqi forma;
• maliyyə ili;
• vergi ödəyicisinin eyniləşdirmə nömrəsi, qeyri-kommersiya qurumunun qeydiyyat nömrəsi;
• təsisçi (təsisçilər) haqqında məlumat;
• qurumun hər bir benefisiar mülkiyyətçisi haqqında məlumatlar;
• təmsilçilərin adı, soyadı, atasının adı, vətəndaşlığı və yaşayış yeri;
• hüquqi şəxsin filial, nümayəndəlik və digər qurumları haqqında məlumatlar;
• məhkəmənin müəyyən fəaliyyətlə məşğul olma hüququndan məhrum etmə haqqında yekun qərarı;
• ləğvetmə və ya iflas prosesi haqqında məlumatlar;
• hüquqi şəxslər və xarici hüquqi şəxsin nümayəndəlik və ya filiallarına aid digər spesifik məlumatlar.

Şirkət qeydiyyatı üçün bizə müraciət edin!

Hüquqi şəxslərin reyestrə daxil edilən digər məlumatları

Yuxarıdakı faktlar və məlumatlara əlavə olaraq hüquqi şəxslərdən, habelə xarici hüquqi şəxslərin nümayəndəlik və ya filiallarından digər məlumatların da dövlət reyestrində əks olunması üçün təqdim etməsi tələb olunur:

Kommersiya hüquqi şəxslərdən:

• kommandit ortaqlığında – hər bir kommanditçinin mayasının miqdarı;
• MMC və SC-lər üçün nizamnamə kapitalının miqdarı, hər bir təsisçinin nizamnamə kapitalında payı;
• direktorlar şurası (müşahidə şurası) yaradıldığı halda, onun hər bir üzvünün adı, soyadı, atasının adı və yaşayış yeri;

Qeyri-kommersiya təşkilatlarından

• fəaliyyət predmeti və məqsədləri;
• fəaliyyət ərazisi;
• fəaliyyətinin dayandırılması və bərpa edilməsi haqqında məlumat;
• əcnəbi təsisçinin (təsisçilərin) daimi yaşamaq üçün icazə müddətinin bitməsi tarixi;
• himayəçilər şurasının üzvləri, fondun nizamnamə kapitalı haqqında məlumat;
• Qanunun 2.3 bəndi ilə müəyyən edilmiş digər məlumatlar.

Publik hüquqi şəxslərdən:

• nizamnamə fondunun miqdarı barədə məlumat;
• təsisçi tərəfindən verilmiş əmlakın miqdarı haqqında məlumat;
• direktorlar şurası (müşahidə şurası) yaradıldığı halda, onun hər bir üzvünün adı, soyadı, atasının adı və yaşayış yeri.

Qeyri-hökumət təşkilatları  və xarici qeyri-hökumət təşkilatları üçün təqdim edilən məlumatların tərkibi Qanunun 14.2.4 və 14.2.5 maddələri ilə tənzimlənir.

Sonrakı dəyişikliyinin qeydiyyata alınması

Dövlət qeydiyyatına alınmış kommersiya qurumları təsis sənədlərində dəyişikliklər edə, dövlət reyestrində qeydə alınmış faktlarda sonradan dəyişiklik apara bilər – qanunvericilik buna icazə verir. Əsas tələb reyestrdə dəyişikliklərin yenidən qeydiyyatı üçün onların Dövlət Vergi Xidmətinə təqdim edilməsidir.

9 fevral 2026-cı il tarixindən hüquqi şəxslərin dövlət qeydiyyatı və onların dövlət reyestrinin aparılması qaydalarına edilmiş dəyişiklik kommersiya hüquqi şəxslər, xarici kommersiya hüquqi şəxslərin nümayəndəlik və ya filialları üçün yeni öhəlik yaradır: onlar bu dəyişikliklərin olub-olmaması barədə təqvim ili bitdikdən sonra müvafiq qaydada hesabat verməlidirlər.

Dövlət Vergi Xidmətinə təqdim ediləcək bu və ya digər sənədlərin təqdim edilməsində çətinliyiniz varsa, Accounting.AZ şirkəti ilə əlaqə saxlayın, bizim mütəxəssilər sizə kömək edər.